محمد و أمنية
محمد وهو صغيربصراحة مش مصدق يعني
محمد ده ابن عمي من زمان اوي
يعني انا طلعت علي الدنيا لقيته معايا
ولأننا عايشين في بيت واحد فأحنا مش مجرد ولاد عم
لا ولاد عم واخوات واصحاب وكل حاجة
المهم بقي محمد كان فرحه الجمعة اللي فاتت
اول مرة أحس اني كبرت J رغم اني انا اكبر منه بسنة وثلاث شهور بس
اصل واحنا في الفرح انا افتكرت
افتكرت كل حاجة
لعبنا في الشارع واحنا صغيرين والخناقات والكورة والنادي والسفر وشم النسيم
و اول سفرية لينا زمان سوا واحنا عيال عندنا 4 سنين أيام لما رحنا جمصة لما كان شريط محمد فؤاد "في السكة" هو شريط موسم صيف 86 او 87 مش فاكر بالظبط غير بقي شقة اسكندرية ( وما ادراكم ما شقة اسكندرية )
كمان محمد مشهور انه لما كان يتغلب في الطاولة او الشطرنج او الكورة واحنا صغيرين كان يضربنا
ومش هنسي منظر لما كنا بنلعب واخوه غلبه وقام محمد زنقه في الحيطة وضربه
المنظر ده شايفه كأنه امبارح
ولما كبرنا شوية ودخلنا مرحلة المراهقة كان محمد الفتك اللي فينا اللي بيعرف بنات النادي لانه بقي الحليوة ابو شعر ناعم ودمه خفيف غير انه قعد فترة مش وراه غير المواضيع دي وبصراحة انا كنت متخيل انه اخر واحد هيتجوز فينا.
يعني محمد اللي هو محمد بتاع الكوتشينة والشطرنج وركوب العجل اتجوز
وبكرة بقي يجيب عيال ويقولوا ليا يا عمو وبعدين بقي هيتخانقوا لما يتغلبوا في الطاولة
الايام بتعدي بسرعة فعلا
يمكن علشان بركب لسه العجلة وبلعب طاولة وشطرنج و كوتشينة مش حاسس اوي اني بكبر
بس عموما مبروك يا حمادة وبجد انا فرحان ليك اووووي
ومبروك لعروستك أمنية الجميلة اللي كده بقت عضو جديد في العيلة بتاعتنا
بس علشان تبقي من العيلة لازم توديها شقة اسكندرية
هههههههههههه
يالا
الف مبروك وعقبال الباقيين بقي كلهم
الدور علي مين ؟؟؟؟؟؟ هنشوف
محمد ده ابن عمي من زمان اوي
يعني انا طلعت علي الدنيا لقيته معايا
ولأننا عايشين في بيت واحد فأحنا مش مجرد ولاد عم
لا ولاد عم واخوات واصحاب وكل حاجة
المهم بقي محمد كان فرحه الجمعة اللي فاتت
اول مرة أحس اني كبرت J رغم اني انا اكبر منه بسنة وثلاث شهور بس
اصل واحنا في الفرح انا افتكرت
افتكرت كل حاجة
لعبنا في الشارع واحنا صغيرين والخناقات والكورة والنادي والسفر وشم النسيم
و اول سفرية لينا زمان سوا واحنا عيال عندنا 4 سنين أيام لما رحنا جمصة لما كان شريط محمد فؤاد "في السكة" هو شريط موسم صيف 86 او 87 مش فاكر بالظبط غير بقي شقة اسكندرية ( وما ادراكم ما شقة اسكندرية )
كمان محمد مشهور انه لما كان يتغلب في الطاولة او الشطرنج او الكورة واحنا صغيرين كان يضربنا
ومش هنسي منظر لما كنا بنلعب واخوه غلبه وقام محمد زنقه في الحيطة وضربه
المنظر ده شايفه كأنه امبارح
ولما كبرنا شوية ودخلنا مرحلة المراهقة كان محمد الفتك اللي فينا اللي بيعرف بنات النادي لانه بقي الحليوة ابو شعر ناعم ودمه خفيف غير انه قعد فترة مش وراه غير المواضيع دي وبصراحة انا كنت متخيل انه اخر واحد هيتجوز فينا.
يعني محمد اللي هو محمد بتاع الكوتشينة والشطرنج وركوب العجل اتجوز
وبكرة بقي يجيب عيال ويقولوا ليا يا عمو وبعدين بقي هيتخانقوا لما يتغلبوا في الطاولة
الايام بتعدي بسرعة فعلا
يمكن علشان بركب لسه العجلة وبلعب طاولة وشطرنج و كوتشينة مش حاسس اوي اني بكبر
بس عموما مبروك يا حمادة وبجد انا فرحان ليك اووووي
ومبروك لعروستك أمنية الجميلة اللي كده بقت عضو جديد في العيلة بتاعتنا
بس علشان تبقي من العيلة لازم توديها شقة اسكندرية
هههههههههههه
يالا
الف مبروك وعقبال الباقيين بقي كلهم
الدور علي مين ؟؟؟؟؟؟ هنشوف
ليست هناك تعليقات:
إرسال تعليق