محمد اتجوز يا جدعان

محمد و أمنية

محمد وهو صغير

بصراحة مش مصدق يعني

محمد ده ابن عمي من زمان اوي
يعني انا طلعت علي الدنيا لقيته معايا
ولأننا عايشين في بيت واحد فأحنا مش مجرد ولاد عم
لا ولاد عم واخوات واصحاب وكل حاجة
المهم بقي محمد كان فرحه الجمعة اللي فاتت
اول مرة أحس اني كبرت J رغم اني انا اكبر منه بسنة وثلاث شهور بس

اصل واحنا في الفرح انا افتكرت

افتكرت كل حاجة
لعبنا في الشارع واحنا صغيرين والخناقات والكورة والنادي والسفر وشم النسيم
و اول سفرية لينا زمان سوا واحنا عيال عندنا 4 سنين أيام لما رحنا جمصة لما كان شريط محمد فؤاد "في السكة" هو شريط موسم صيف 86 او 87 مش فاكر بالظبط غير بقي شقة اسكندرية ( وما ادراكم ما شقة اسكندرية )

كمان محمد مشهور انه لما كان يتغلب في الطاولة او الشطرنج او الكورة واحنا صغيرين كان يضربنا
ومش هنسي منظر لما كنا بنلعب واخوه غلبه وقام محمد زنقه في الحيطة وضربه
المنظر ده شايفه كأنه امبارح

ولما كبرنا شوية ودخلنا مرحلة المراهقة كان محمد الفتك اللي فينا اللي بيعرف بنات النادي لانه بقي الحليوة ابو شعر ناعم ودمه خفيف غير انه قعد فترة مش وراه غير المواضيع دي وبصراحة انا كنت متخيل انه اخر واحد هيتجوز فينا.

يعني محمد اللي هو محمد بتاع الكوتشينة والشطرنج وركوب العجل اتجوز
وبكرة بقي يجيب عيال ويقولوا ليا يا عمو وبعدين بقي هيتخانقوا لما يتغلبوا في الطاولة

الايام بتعدي بسرعة فعلا
يمكن علشان بركب لسه العجلة وبلعب طاولة وشطرنج و كوتشينة مش حاسس اوي اني بكبر

بس عموما مبروك يا حمادة وبجد انا فرحان ليك اووووي
ومبروك لعروستك أمنية الجميلة اللي كده بقت عضو جديد في العيلة بتاعتنا
بس علشان تبقي من العيلة لازم توديها شقة اسكندرية
هههههههههههه
يالا
الف مبروك وعقبال الباقيين بقي كلهم
الدور علي مين ؟؟؟؟؟؟ هنشوف

مش ندمان

عندما يمر انسان صاحب قيم منا بتجربة فاشلة تكون النتيجة شئ من اثنين :
- اما انه يعتقد انه كان مخطئ وساذج ويكفر بالقيم التي كان يؤمن بها
- اما انه يشعر كيف يتألم من عاش تجربته ويحاول ان يخفف عنهم دائما وتخلق تلك التجربة داخله طاقة ايجابية من حبه للدنيا والناس
-
وهذا ما حدث معي فعندما حاولت ان أكفر بما أمنت به عن الحب وجدت ان طاقة الحب داخلي زادت وتفجرت

لم اندم علي اي لحظة
لم أندم علي اي عطاء قمت به او لحظة تسامحت فيها واعطيت فيها باخلاص
لم اندم علي صدقي وصدق مشاعري
لم اندم ولن أندم يوما
ولقدت استمتعت وانا أري ان هناك شخص سعيد بسبب وجودي في حياته
استمتعت بحبي له
وانا سأستمر في هذا العطاء وفي ايماني بالحب
لو اخطأت فالخطأ صفة بشرية أصيلة
والتسامح هو من أجمل ما يكون بين اثنين يحبون بعضهم حبا حقيقيا
لم و لن أكفر بفضيلة التسامح
بل زادت قيمتها في قلبي
فالأسوياء لا يستطيعون ان يعيشوا بدون حب وتسامح

التجربة انتهت
ولكن سيبقي الدرس
الحب و التسامح
هناك مثل فرنسي يقول
الحب ابن الحرية
وانا اضيف وابن ايضا التسامح
و الاحرار فقط هم من يتسامحون

لن ادع ما حدث مهما كان مؤلما لي يؤثر علي المستقبل
لقد كنت اقرأ عن الحب لكن لم أعرفه الا معها لأنها أول حب حقيقي
وعرفت كم جميل الحب عندما تفتحت عيناي علي حبي لها
كم جميل ان يكون هناك شخص في هذا العالم تحبه ....
والاجمل ان يبادلك هذا الحب و..... باخلاص
تكون علي طبيعتك وفي قمة صدقك وراحتك وانت معه
يزيد حبه من ثقتك بنفسك فلا تحتاج الي الكذب او التصنع وتتمني ان تراه فقط سعيد
ولا تري ولا تفكر لحظة في غيره مهما كانت الاغراءات
يكون قوي بك وانت قوي به
حتي الصمت يكون جميلا وانت تحب لان الصمت في الحب لغة

بل كانت اجمل اللحظات حين اعرف ما تريده و ما تشعر به بدون كلام بل وكثيرا بدون نظرات ايضا

ذهبت هي

ولكن سيبقي الحب الذي عرفته حقيقته معها
زاد ايماني بالحب حتي لو كفر الاخرون به

وكما قال الرئيس السادات يوما في كتابه البحث عن الذات :
" اذ اكتشفت ان الحب هو مفتاح كل شئ
ولم يخذلني الحب مرة واحدة .... بل كان دائما ينتصر في النهاية

فلكي يكون الرجل مكتملا لابد ان تكون له رفيقة ..تحبه ويحبها
هذه فعلا أعظم نعمة في الوجود
فعندما تمتلئ نفس الانسان بالحب يستطيع ان يتم رسالته وبدون هذه العاطفة يعيش الي ان يبلغ منتهي العمر وهو يشعر انه يفتقد شيئا هاما وانه مهما حقق فهو لم يكتمل بعد "

هذه الكلمات هي من اجمل ما في الكتاب من رجل حقيقي اكتشف ذاته بالحب فغير العالم

تحياتي

محمود

ااااه ...... لو تفهمي نفسك

لو تفهمى نفسك ......حترتاحى
لو تفهمى نفسك ......... أنا حارتاح
لو تفهمى نفسك ..
.. يمكن ألاقى براح فاتح ايديه الاتنين لأحزانك وأحزانى ...... لأفراحك وأفراحى
لو تفهمى نفسك حترتاحى
لو تفهمى...ان انتى وردة..بس رافضة تتسقى من غير سبب
لو تفهمى...ان انتى صعب تفرقى بين قلبك انتى...واللى جواه اتكتب
لو تفهمى..ان اللى مكتوب ف القلوب مش سهل أبدا انه يقبل يتشطب
حاجات كتير لو تتفهم حاجات كتير بسهولة كانت تختفى بس انتى آآآآآه لو تعرفى ان انتى كنتى زى طيرحاولت أطير...
عشان أزين له السما وللأسف كتر الدلع..كتر الكلام...كتر السمع
لأ واللى أكتر من كده......كتر القلوب المغرمة خلوكى حاجة مبهمة
كنتى فى يوم السبب ..... انى ابقى زى الطيراللى بايديكى اندبح
وانتى اللى كنتى السبب ..... فى انه كان صاحى
لوتفهمى نفسك حترتاحى
لو تفهمى نفسك..تحبيها وساعتها يمكن تعرفى............ تحبى اللى بيحبك وساعتها يمكن تعرفى تقفى جنب اللى كان دايما يقف جنبك وكان عامل هواكى سبيل ب يسقى العطشانين منه
وكان يسمع حكاياتك ..... وكان غاوى يفضفضلك وعايزك تفهمى انه:عمره فى يوم ماحيقولك ..... تعالى تانى من فضلك لكن نفسه يشوف ف عينيكى نظرة تقول: لقيت نفسى لقيت كل اللى كان نفسى ف يوم ألاقيه
لقيت عقلى اللى خوفنى
لقيت قلبى اللى خفت عليه
لقيت كل اللى كان السر ف جراحى
لو تفهمى نفسك...حترتاحى

قصيدة جميلة للشاعر الجميل الصديق / طارق قطب ...المحلق الدبلوماسي بالخارجية
القصيدة من يوم ما سمعتها منه من كام سنة وانا بجد بحس بيها اوي
وكل مرة بقرأها بحس بيها اكثر
ده موقع طارق علي الفيس بوك ... والديوان بتاعه اسمه
لو راجل زي ما بتقول
http://www.facebook.com/topic.php?uid=5842453292&topic=3428

كلمة عجبتني

من يحبك يساعدك لتكتشف نفسك وهى اعظم الاكتشافات اشكرك يا سيدى لانك علمتنى ا لا اكون مثلك وانما اكون نفسى

منقولة من شخص لا اعرفه علي الفيس بوك

اللينك المنقول منه الكلام
http://www.facebook.com/note.php?note_id=18514698157&ref=mf

و انا اضيف

انه من الجميل ان تجعل من تحبه يكتشف نفسه لا ان يكون نسخة منك

والاجمل انا يجعلك هذا الشخص تكتشف نفسك ايضا

الحب يجعلنا نكتشف انفسنا بشكل اجمل

والحب هو الضعف و القوة في وقت واحد

فأنت ضعيف امام من تحب وقوي به جدا

برج السرطان ...بحبكم

الناس اللي بحبها

بجد برج السرطان ده من اكثر الابراج اللي بحبها وفيه اعز اصدقائي
بس اول واهم حد مولود في البرج هي ماما
ماما ... طبعا محتاج اكتب كثير اوي علشان اقول عن ماما بس بجد هي حد لطيف وذكي جدا مش اجتماعية بس انا اتعلمت منها حاجات كثير اوي وهي اللي عملتني زي ما انا كده
نيجي بقي للاصحاب
مها ومي ودينا
والاخيرتين مواليد يوم واحد
مها اذكي بنت انا قابلتها في حياتي ودماغها حلوة وتركيزها عالي
عنيدة ودي صفات كل البرج بس عموما ده مش عيب لكن دي صفة يجب التعامل معاها ومعاهم
مها بقي عايشة كده مع نفسها ..بس عموما انا بحبها
مي
حد جمعتني بيه ظروف الشغل بس بقينا اصحاب وانا بحب انها مؤدبة ودي عملة نادرة في الزمن ده وكمان حساسة ورقيقة ... كل سنة وانتي طيبة النهاردة عيد ميلادك

مسك الختام
دينا
بجد بقي دينا حاجة تانية خالص
والبنت دي ارق واحلي بنوتة انا قابلتها في حياتي
قلبها ابيض جدا وحساسة وبنت ناس والاهم دمها خفيف جدا


المشترك فيهم كلهم اننا كل ما الايام بتعدي بتزداد صداقتنا قوة وبحس اني بقرب منهم اكثر

المشترك برضه اني واثق انهم كلهم هتيجي ايام عليهم وهيبقوا اسعد ناس في الدنيا لانهم يستاهلوا كل خير
بحبكم
وكل سنة وانتوا طيبين

الحب

يقول السادات
اذ اكتشفت ان الحب هو مفتاح كل شئ
ولم يخذلني الحب مرة واحدة .... بل كان دائما ينتصر في النهاية

فلكي يكون الرجل مكتملا لابد ان تكون له رفيقة ..تحبه ويحبها
هذه فعلا أعظم نعمة في الوجود
فعندما تمتلئ نفس الانسان بالحب يستطيع ان يتم رسالته وبدون هذه العاطفة يعيش الي ان يبلغ منتهي العمر وهو يشعر انه يفتقد شيئا هاما وانه مهما حقق فهو لم يكتمل بعد
لانه لا سعادة لأحد علي حساب شقاء الاخرين

مقتطفات من كتاب البحث عن الذات ...السادات